Вашингтон, 31 јануари 2025 (МИА) – Џенсен Хуанг, извршен директор на гигантот за чипови со вештачка интелигенција Nvidia, ќе се сретне со претседателот Доналд Трамп во Белата куќа денеска, според извори на кои се повикуваат западни медиуми.
Хуанг, чија компанија стана една од највредните фирми во светот на позадината на бесот со вештачка интелигенција, беше отсутен на инаугурацијата на Трамп.
Марк Закерберг, Џеф Безос и Илон Маск, кој е близок советник и голем донатор на Трамп, добија централно место за време на церемониите и настаните, и придонесоа во фондот за инаугурација на претседателот.
Состанокот во Белата куќа, прв за Хуанг и Трамп, ќе се фокусира на сите аспекти на распоредувањето на вештачката интелигенција, според изворот.
Портпаролот на Nvidia одби да коментира за состанокот и Белата куќа не одговори веднаш на барањето за коментар.
Не се знае дали Маск ќе присуствува на состанокот.
Извршниот директор на Tesla, кој го предводи Одделот за владина ефикасност на администрацијата, неодамна учествуваше на состаноците на Трамп со технолошки лидери, вклучувајќи ги Безос од Амазон и Сундар Пичаи од Гугл.
Од Златко Шумковски Извор МИА
