По 25ти пат, најголемата изложба на тиква во светот ќе го претвори германскиот град Лудвигсбург во сцена од ненадмината уметност од тиква. Впрочем, од 23.08 до 03.11. 2024 год. тикви од различни големини, форма и боја ќе доминираат во градините каде е предвидена оваа сценографија. Додека се движите низ изложбите, ќе наидете на повеќе од 600 видови од ова популарно есенско овошје, шарени, резбани и украсни тикви.
Доколку пак апетитот ви се зголеми, на фестивалот можете да пробате од бројните специјалитети направени од тиква: супа од тиква, тава со ориз и тиква, шпагети со тиква, вафли со тиква, вкусен помфрит од тиква, локални специјалитети, зачинето германско пиво од тиква и друго.
Повеќето од овие прекрасни тикви се одгледуваат во областа Лудвигсбург, а само околу 20 проценти од нив се одгледуваат од фармери во близината на Штутгарт.