5 април 2024 година, Драгаш, Косово – Светскиот Македонски Конгрес (СМК) упатува јавен повик до Македонците во областа Гора, Призренска Жупа и цело Косово, на пописот на населението од 5 април до 17 мај годинава да се попишат како Македонци, со мајчин Македонски јазик, вероисповед муслимани.
Апел за масовно попишување на Македонците од областа Гора, Призренска Жупа и цело КосовоСМК потсетува дека, Македонија во 2001 година издаде околу 15.000 македонски државјанства во областа Гора, Призренска Жупа и цело Косово, врз основа на своерачно потпишани изјави на месните жители дека се етнички Македонци кои го говорат Македонскиот јазик!
Жителите на областа Гора и Призренска Жупа, не се ништо друго, освен етнички Македонци, независно дури и од албанизацијата во некои села на Призренска Жупа!
СМК, исто така, потсетува дека, Македонија во 2001 година им издаде македонско државјанство на сите Македонци од областа Гора, Призренска Жупа и цело Косово, кои после дисолуцијата на поранешна СФР Југославија се затекнаа на територијата на државата Македонија, односно имаа живеалиште и престојувалиште во Македонија!
Македонците од областа Гора, Призренска Жупа и цело Косово се неотуѓив, нераскинлив и неотстапен дел од Македонскиот народ!
СМК ја осудува Владата во Софија, која врши агресија врз Македонците во областа Гора и Призренска Жупа, на Косово, во намерите на престојниот попис да се попишат како етнички Бугари.
СМК декларира дека етнички Бугари на Косово никогаш во неговата историја немало, нема, ниту ќе има, како што ги нема ниту во Албанија и Македонија!
СМК потсетува дека Македонците од областа Гора, Призренска Жупа и цело Косово не се ниту етнички Бошњаци.
Пописот на Косово требаше да се одржи во септември 2023 година, па се одложи за 1 ноември 2023 година, за крај Владата на Косово одлучи пописот да се одржи од 5 април до 17 мај 2024 година заради спроведување на принципите на Евростат.
Последниот попис во Косово беше спроведен во 2011 година, со проценки дека вкупното население е околу 1,8 милиони. Жителите на северните косовски општини Лепосавиќ, Зубин Поток, Звечан и Северна Митровица не беа вклучени во овој попис, бидејќи Србите го бојкотираа.
