Светскиот Македонски Конгрес и Македонската заедница во Швајцарија изразуваат искрено жалење за смртта на 17-годишниот Стивен Ивановски, кој загина во експлозијата во барот “Ле Констелејшн“ во луксузниот скијачки центар Кран-Монтана во кантонот Вале, југозападна Швајцарија, заедно со околу 40 лица, а околу 120 сериозно повредени.
Македонците, по род и државјанство, од сите делови на Македонија, во светот и татковината, упатуваат длабоко сочувство до семејството, роднините и пријателите на Стивен Ивановски.
И после се’, Боже на духовите и на секое тело, успокој ја душата на починатото твое чедо и наш брат во Господа Стивен Ивановски, прости му ги прегрешенијата волни и неволни, направени со збор, со дело или со помисла, и како Благ и Човекољубив, насели ја неговата душа во место светло, место блажено, место мирно на Царството Небесно каде што почиваат душите на праведниците, место каде што нема ни жал, ни воздишка, но живот Бесконечен…
Повеќето од гостите во барот биле на возраст од 15 до 20 години. Меѓу загинатите има луѓе од различни националности, кои, како што наведуваат официјалните лица, ќе бидат потребни недели за да се идентификуваат.
