Најуспешните млади спортисти од Општина Кисела Вода и оваа година ќе добијат бесплатно летување како награда за своите постигнувања, во рамки на Лигата на училиштен спорт.
Како дел од стратегијата за поддршка на спортот и здравите навики кај младите, победниците во кошарка, фудбал, одбојка и ракомет – во двете конкуренции – ќе имаат можност да летуваат во Извидничкиот центар во Охрид.
Станува збор за следниве основни училишта, прваци за учебната 2024/2025 година:
Одбојка: ООУ „Партенија Зографски“
Кошарка: ООУ „Кузман Ј. Питу“
⚽ Фудбал: ООУ „Кирил Пејчиновиќ“
♀️ Ракомет – жени: ООУ „Кузман Шапкарев“
♂️ Ракомет – мажи: ООУ „Кирил Пејчиновиќ“
Од локалната самоуправа нагласуваат дека спортот не само што придонесува за физичкото и менталното здравје на децата, туку е и сила што ги обединува, гради дисциплина и тимски дух.
„Со обезбедување бесплатно летување, не само што ги наградуваме нивниот труд и посветеност, туку и дополнително ја поттикнуваме спортската култура во училиштата“, истакнуваат од Општина Кисела Вода.
Со вакви иницијативи, општината продолжува да инвестира во младите, препознавајќи ги спортот и здравите навики како столбови на развојот на идните генерации.
