Возачот на Ред Бул и актуелен светски шампион, Макс Верстапен, оствари сигурна победа на трката за Големата награда на Јапонија, која рано изутринава по македонско време се возеше на култната патека Сузука.
Холанѓанецот стартуваше од пол-позицијата и без поголеми предизвици ја задржа водечката позиција до самиот крај. Трката мина без поголеми драми, а подиумот го заокружија возачите на Мекларен – Ландо Норис заврши втор, додека неговиот тимски колега Оскар Пијастри се пласираше на третото место.
По оваа трка, пласманот во шампионатот е исклучително тесен. Ландо Норис е лидер со 62 бода, Верстапен веднаш зад него со 61, додека Пијастри се наоѓа на третото место со 49 освоени поени.
Следната станица во Формула 1 календарот е трката за Големата награда на Бахреин, која ќе се вози на 13 април.
