Братислава, 25 јануари 2025 (МИА) – Словачкиот премиер Роберт Фицо изјави денеска дека во моментов се подготвува список на лица кои административно ќе бидат протерани од Словачка во врска со обидот за државен удар.
Тој во емисијата „Саботни дијалози“ на телевизијата СТВР најави дека протерувањето ќе биде извршено „во следните неколку дена“.
Според него, вчерашните протести во неколку словачки градови биле организирани врз основа на „лагата“ дека неговата влада сака да ја „извлече Словачка од Европската унија и НАТО“.
„Се истражуваат и финансиските текови, како се финансирало, организирало, кој стои зад сето тоа. Тоа е глупост“, рече Фицо.
Нагласи дека не планира да поднесе оставка во врска со протестите и дека за изборните резултати не се одлучува на улиците, туку на парламентарните избори.
Од Рената Пепељугоска Извор МИА
