Во изјавата објавена од Министерството за надворешни работи на Русија, се истакнува дека обновувањето на меѓудржавните односи бара од јапонските власти да покажат конкретни чекори за откажување од непријателската линија, која не одговара на интересите на Јапонија и нејзиниот народ. Русија исто така нагласи “важноста на напорите на јапонската страна” за зачувување на “позитивното наследство на билатералните врски акумулирано во изминатите години”, се наведува во изјавата.
Во продолжение, се истакнува дека овие врски се влошуваат поради непријателскиот став на Јапонија кон Русија. “Парламентарецот беше информиран за руските пристапи кон актуелните прашања на меѓународната и регионалната агенда, како и за одредени практични аспекти на интеракцијата со Јапонија”, се наведува во изјавата на Министерството за надворешни работи.
Јапонија се приклучи на т.н. западни санкции против Русија по започнувањето на воената операција во Украина во февруари 2022 година. На 21 март 2022 година, Русија објави дека одбива да продолжи со преговорите за мировен договор со Јапонија и дијалогот за заеднички економски активности во Јужните Курили, поради, како што се наведува, “непријателскиот став” на другата страна во врска со конфликтот во Украина.
