На собирот на младите социјалдемократи во Струмица, Венко Филипче изрази силна посветеност на борбата за правдата и демократијата. „Јас не ветувам лесен пат. Но ветувам борба. И таа борба ќе ја водиме со главата високо, со гордост што сме наследници на асномската идеја за слободна, праведна и солидарна Македонија,“ истакна Филипче.
Тој нагласи дека младите и членовите на СДСМ играат клучна улога во одржувањето на демократијата во тешките времиња. „Денес, повторно дојде време за исправување,“ додаде тој, предупредувајќи дека актуелната власт на ВМРО-ДПМНЕ ја турка државата во мрак, обележен со партизација и злоупотреби.
„Нашата задача е јасна – да ја подигнеме партијата, да ја вратиме надежта, и да им покажеме на луѓето дека СДСМ е силата што знае да ја исправи државата,“ рече Филипче. Тој истакна дека младите социјалдемократи и ангажираното членство се клучни во оваа мисија.
„Нивната енергија на терен, во секое маало, во секое семејство, е она што ќе ја разбуди надежта кај разочараните и кај оние што замолкнале. Сега е моментот повторно да се собереме, да се исправиме и да ја изградиме силата што ќе ја запре неправдата и ќе ја врати државата во рацете на народот,“ заклучи Филипче.
