Македонската православна црковна општина “Свети Никола“ во Мајнц, Германија на Духовден во соработка со организацијата “Поддршка за Кочани” организира голем хуманитарен фестивал за настраданите од Кочани.
Фестивалот ќе се одржи на 8 јуни 2025 година, во големата “Октобар фест хала“ во Мајнц, а ќе настапат Каролина Гочева, КУД “Свети Никола“ Мајнц, КУД “Шара“ Тетово, Василија Петрова, Сања Здјелар, Група Милениум, Тино и Атанас и Поточиња.
Пред одржувањето на Фестивалот ќе се богослужи Света архиерејска литургија на која ќе чиноначалствува Неговото Високопреосвештенство г. Пимен Митрополит Европски.
Со Фестивалот ќе се одбележи и 10 годишниот јубилеј од осветувањето на македонската православна црква “Свети Никола“ во Мајнц, во чија слава Македонската православна црковна општина “Свети Никола” ќе подели плакети и благодарници на сите заслужни кои помогнале во изградбата на храмот.
Осветувањето на македонската православна црква “Свети Никола“ во Мајнц е извршено на 6 јуни 2015 година од Неговото Блаженство г.г Стефан Архиепископ Охридски и Македонски и на Јустинијана Прва, во сослужение со нивните високипреосвештенства г. Пимен Митрополит Европски и г. Наум Митрополит Струмички.
Поканата за Фестивалот важи за сите Македонци од цела Германија и Европа.
