На првиот ден од новиот мандат, градоначалникот на општина Крива Паланка Сашко Митовски, го посети семејството Ангеловски за да помогне со финансиска поддршка за изградба на тоалет, кој во моментот е неоходен заради посебната грижа и нега на малиот Атанас, кој е детенце со тешка телесна попреченост.
Со симболичен и хуман гест за почеток на вториот мандат, градоначалникот уште еднаш покажа и докажа дека грижата за граѓаните е прв приоритет во неговата работа, а особено грижата за дечињата и семејствата со сериозни здравствени порблеми.
„На првиот ден од новиот мандат сакав да потсетам – дека функцијата нема вредност ако зад неа не стои човек. И ивој гест можеби е мал, но значењето е големо – затоа што секој еден човек е важен.
Вистинската промена не започнува во кабинет, туку во домовите на луѓето, во нивните вистински приказни, таму каде што најмногу треба топлина и надежа, затоа го започнав овој мандат со човечност, љубов и грижа за секој наш сограѓанин.
Тоа е мојот завет, мојата сила и мојата обврска.
На првиот ден од новиот мандат – избрав да не зборувам за планови, туку за луѓе. За едно мало дете со големо срце. За една насмевка што вреди повеќе од сите говори.
Затоа што, функцијата не го прави човекот. Човекот ја прави функцијата, изјави градоначалникот Сашко Митовски при посетата на семејството Ангеловски.
Извор:www.krivapalanka.gov.mk
