Зголемениот број патувања за време на летните одмори донесе и засилена фреквенција на возила на граничните премини, особено на Табановце и Пелинце, каде времето на чекање достигнува до 45 минути, информира Авто-Мото Сојузот на Македонија (АМСМ). На останатите гранични премини, засега не се бележат значителни задржувања.
Од АМСМ апелираат до возачите да бидат особено внимателни и да ја прилагодат брзината на условите на патот, особено на делниците со зголемена опасност од одрони, како што се Катланово – Велес, Маврово – Дебар – Струга, Виница – Берово и Кочани – Делчево.
Поради високите температури и интензивниот сообраќај, од 1 јули до 31 август стапува во сила летен времен режим на сообраќај. Забрането е движење на тешки товарни возила со вкупна маса над 15 тони во следните термини: петок од 17:00 до 22:00 часот, сабота од 09:00 до 18:00 часот и недела од 09:00 до 22:00 часот.
Дополнително, во денови со екстремни температури, како што ќе ги определи Министерството за здравство, забраната ќе важи и од понеделник до четврток во период од 11:00 до 17:00 часот.
Ограничувањето не важи за возила кои превезуваат животни, леснорасиплива стока, нафта, опасни материјали, хуманитарна помош, како и за оние што вршат превоз по договор со ЈП за Државни патишта.
Надлежните институции повикуваат на трпение и одговорно однесување во сообраќајот за време на летниот шпион на граничните премини и патиштата низ државата.
