На денешен ден 2001 година херојски бранејќи го Лешок и Лешочкиот Манастир, на 30 годишна возраст во нерамноправна борба загина Ѓоко Лазаревски.
Ѓоко Лазаревски бил роден на 3 мај 1971 година токму во Лешок. Како резервист, а по претходно големо искуство, стапил во одбрана на Македонија и неговото родно село.
„Последните зборови на Лазаревски „Не Ве остава Ѓоко Вас”, оставија траен белег кај неговите другари кои и во последните моменти беа со него, кај сите кои го познаваа, но и кај оние кои се свесни за неговото херојско дело.“
Лазаревски е убиен на 23 јули 2001 година бранејќи го своето село, соселаните, Лешочкиот Манастир, бранејќи ја Македонија. По неговото загинување, ОНА го зазема селото и го разрушува Лешочкиот Манастир.
Ти беше храбар човек кој во ниеден момент не се поколеба за одбрана на својата татковина. Ти си херој на оваа држава! Никогаш нема да те заборавиме! Почивај во мир и вечна ти слава!
