Хрватските власти уништија четири тони домати од Албанија поради утврдено присуство на хлорфенапир, пестицид кој е забранет во високи концентрации. Според лабораториските тестови објавени од Европската агенција за безбедност на храна (EFSA), количината на овој отров во доматите била пет пати поголема од дозволената. Дозволеното ниво е 0,01 мг/кг, но во анализите било утврдено присуство од 0,06 мг/кг. Овие домати потекнуваат од земјоделски површини во Берат, како што известува Топ чанел.
Покрај доматите, хрватските власти уништија и 5,5 тони праски од Дивјак, поради високо присуство на тешкиот метал никел. Според информации од телевизијата, „Албанските земјоделци често го одгледуваат својот производ во оранжерии без да ги почитуваат нормите во користењето на заштитните средства“. Ова не само што предизвикува финансиски последици за албанските извозници, туку и влијае на репутацијата на производите „made in Albania“.
Зеленчукот и овошјето од Албанија редовно се продаваат на пазарите во соседните земји, а граѓаните од пограничните области често ги набавуваат директно од албанските земјоделци.
