Уагадугу, 9 август 2024 (МИА)- Хунтата во Буркина Фасо ги повика своите граѓани да пријават сомнителни соседи и активности во име на националната безбедност додека нацијата се бори со речиси деценискиот џихадистички бунт.
„Министерот за безбедност упатува повик до храброто население на Буркина Фасо да биде повнимателно и ги повикува да пријават секое сомнително лице, движење или предмет“, соопшти Министерството за безбедност.
Во повикот граѓаните се предупредуваат да не паркираат подолго време во близина на „чувствителни места“, да фотографираат чувствителни „инсталации“ и да даваат информации како што се положбата на безбедносните сили, местата или стратешките рути кои би можеле да го олеснат терористички напад.
Исто така, се повикуваат граѓаните да не издаваат автомобили и куќи без прибирање соодветни податоци за станарите. Воените лидери на Буркина, кои ја презедоа власта со државен удар во 2022 година, се соочија со критики од групите за човекови права за мерките што ги презедоа во име на националната безбедност.
Амнести интернешенел и Хјуман рајтс воч ја обвинија хунтата за киднапирање и регрутирање на некои нејзини критичари. Буркина Фасо и соседните Мали и Нигер се борат против бунтовниците џихадисти што се проширија низ регионот Сахел откако првпат се вкорени во Мали пред 12 години.
Групите за човекови права и ОН постојано ги обвинуваат армиите на Мали и Буркина Фасо за сериозни злоупотреби врз цивили осомничени за соработка со џихадисти. И двете армии негираат.
Од Златко Шумковски Извор МИА
