spot_img

Американски медиуми: Што се случува по повлекувањето на Бајден?

Вашингтон, 21 јули 2024 (МИА) - Американскиот претседател Џо Бајден денеска објави дека се повлекува од претседателската трка против противкандидатот Доналд Трамп. Повлекувањето во...
spot_imgspot_img
ПочетнаМагазинПатувањеЖителите на шпанскиот град Малага излегоа на протест против масовниот туризам

Жителите на шпанскиот град Малага излегоа на протест против масовниот туризам

Малага, 30 јуни 2024 (МИА) – Илјадници жители на шпанскиот град Малага излегоа на протест против масовниот туризам, кој според нив е причина за високите наеми и недостигот на станови, пренесе ДПА.

Многу од демонстрантите носеа плакати со натписи: “Малага не се продава” и “Ова не е туризам, ова е инвазија”.

Според организаторите, на вчерашниот митинг учествувале околу 25.000 лица, иако шпанскиот весник “Паис” објави дека протестирачите биле околу 15.000.

Малага е само уште еден шпански град во кој се одржуваат вакви протести. Демонстрации против масовниот прилив на туристи имаше и во Мајорка, Барселона и на Канарските Острови.

Здружението на наемателите во Малага вели дека постојано растечкиот број на посетители кои изнајмуваат апартмани за одмор е причина за недостигот на станови во градот. – Градот страда, незадоволството е големо. Пред сè, проблемот со станбениот простор требаше да биде ставен на маса, изјави портпаролот на протестирачите за весникот “Паис”.

Во Малага има повеќе од 12.000 законски регистрирани станови за одмор и по овој показател, градот се наоѓа на трето место во Шпанија по Мадрид и Барселона. Освен тоа, многу приватни имоти во Малага и други градови примаат гости незаконски.

Од Сања Костовска Извор МИА

Придружете се на Вибер каналот на Македонија Денес. Притиснете ТУКА.
spot_img
spot_img