– Ја подај ми моме тенка пушка,
јас да заминам.
Да заминам, моме, да поминам,
в’ туѓа туѓина.
– Ко ќе врвиш, лудо, Вардар река,
матна и крвава?
– Ќе поминам, моме, ќе заминам
в’ каик ќе влезам.
– Ко ќе врвеш, лудо, Шар планина,
полна овчари?
– Ќе поминам, моме, ќе заминам,
в’ кавал ќе свирам.
– Ко ќе врвиш, лудо, Караорман,
полно ајдуци?
– Ќе поминам, моме, ќе заминам,
с’ пушка ќе фрлам.
▶ Случајно видео
Пробај ја и оваа алатка:
