Актуелниот градоначалник на Општина Карпош и кандидат за нов мандат, Стевчо Јакимовски, остро реагираше на проблемот со депонирањето и нерегуларното собирање на отпадот низ општината.
Според него, ситуацијата претставува „најпростачки начин за пресметка со граѓаните“, бидејќи наместо институциите да ја извршуваат својата работа, тие вршат саботажа.
„Граѓаните на Карпош не заслужуваат да им смрди отпад под носот, ниту пред колективни згради, ниту пред нивните куќи,“ порача Јакимовски.
Тој се обрати и до премиерот, посочувајќи дека државата има министер за локална самоуправа и министер за екологија, како и двотретинско мнозинство во парламентот, и наместо со политички игри и пресметки, треба да понуди решенија.
„Јас нема да молчам – ќе продолжам да зборувам гласно за секоја неправда кон Карпош и неговите граѓани,“ додаде Јакимовски.
