Изминатите неколку недели се изнаслушавме 1001 причина зошто е потребно да се смени грбот на Македонија. Едните велат дека не бил хералдички демек ако не е хералдички државата нема да може економски да напредува. Други го споредуваат со Белорусија, истите оние кои бегаат како ѓавол од темјан кога ќе треба да се спореди Македонија со некоја земја од Европската Унија. Третите пак кажуваат дека бил од “мрачниот“ социјализам демек сега од 90-тите наваму се ни е розево.
Но дали некои од оние кои преку ноќ станаа промотери на идејата за менување на грбот ќе им каже на италијанците дека треба и тие да го сменат грбот!?
Грбот на Италија е официјалниот грб на републиката кој бил усвоен на 5 мај 1948 година. Иако се нарекува грб, тоа е всушност амблем бидејќи ги нема стандардните хералдички елементи. Централен дел од грбот е бела петокрака со црвени граници поставена на клип и сето тоа опколено со гранче маслинка и гранче даб. Долниот дел е украсен со лента на која е напишано името на државата.
Од ова може да заклучиме дека:
- Грбот на Италија не е хералдички
- Воведен е на 5 мај 1948 година кога во Италија се популарни социјалистичките движења.
- Дополнително има петокрака, истата онаа која пред многу години беше тргната од грбот на Македонија.
Ги исполнува сите три услови за промена.
