Најголемата швајцарска банка UBS изврши интересна анализа која открива дека производството на BYD Seal е околу 35% поевтино од производството на Volkswagen ID.3. Оваа предност во трошоците се припишува на вертикалната интеграција на BYD и сопственото производство на компоненти, што е во контраст со поскапата стратегија на VW во производството на ID.3. Германскиот гигант повеќе се потпира на добавувачи, а тука е и социјалната компонента, бидејќи повеќе плаќа работниците во Германија.
За споредба, повисоките трошоци за производството на Volkswagen ID.3 одразуваат различен пристап во производството и набавката на компоненти. Кога ќе се прерачунаат по сегменти на возилото, разликите стануваат очигледни: BYD на батеријата трошат 29% помалку. За шасијата и тркалата, трошоците се пониски за 38%, а за електрониката, Кинезите постигнуваат 17% пониска цена. Другите компоненти исто така се поевтини за BYD, за 23%, додека производството на внатрешноста на возилото носи уште 17% помалку трошоци за BYD.
Дополнително, трошоците за дистрибуција и други услуги се пониски за 63%, а фабриките на BYD генерираат уште 62% помалку трошоци. На крај, треба да се додаде и цената на работната сила, која им дава предност на Кинезите од 77% во однос на Германците. Кинеските трошоци за работа не можат да се споредат со германските.
