Алфа Ромео го заврши првиот квартал од 2025 година со раст од 29% во глобалните испораки во споредба со истиот период минатата година, предводен од силни резултати во Европа (+43%) и на Блискиот Исток и во Африка (+9%).
Посебно се истакнува моделот Alfa Romeo Junior, кој од своето лансирање досега има 36.000 нарачки на 38 пазари, од кои 18% се во целосно електрична верзија, што го потврдува како клучен елемент во обновувањето на понудата на брендот.
Во март 2025 година, Алфа Ромео продал над 8.700 автомобили, што го прави најуспешниот месец по јуни 2019 година. Овој резултат ѝ овозможи на компанијата да го достигне својот најголем пазарен удел во Европа во последните седум години – 0,5%, благодарение на целокупната понуда, која ги вклучува моделите Junior, Tonale, Stelvio и Giulia.
Алфа Ромео го потврди својот континуиран меѓународен раст, сега присутен на повеќе од 70 пазари ширум светот. Испораките на крајни купувачи во првиот квартал пораснаа за 29% на глобално ниво, со особено силен раст во поширока Европа (+43%) и на Блискиот Исток и во Африка (+9%).
Клучна улога во овој успех одигра моделот Junior, кој нуди најразновидна комерцијална понуда во сегментот: две електрични варијанти (со 156 КС и 280 КС), хибрид со 145 КС и Ibrido Q4. За неколку месеци од лансирањето на 38 пазари, Junior достигна 35.000 нарачки, од кои 18% се во целосно електрична конфигурација.
Ентузијазмот на европските купувачи за Junior стана двигател на целата понуда на брендот, која ја сочинуваат и моделите Tonale, Giulia и Stelvio. Во своите сегменти, сите три модели продолжуваат да ги претставуваат спортскиот дух и иновативноста кои се основни вредности на брендот Alfa Romeo.
Значајно е да се напомене дека март 2025 година беше најдобриот месец по продажба за Alfa Romeo од јуни 2019 година, со раст од 33% во споредба со март 2024. Во истиот месец, брендот го забележа и најголемиот пазарен удел во Европа (EU30) од 2018 година – 0,5%, што е зголемување од 0,15 процентни поени во однос на истиот период лани.
