На денешен ден 1968 година во Куманово роден е Саша Ќириќ, еден од најдобрите македонски напаѓачи.
Кариерата ја започнал во Слога Умин Дол, а првиот професионален контакт го имал со Металург Скопје. По две сезони се преселува во Пелистер каде на 58 натпревари постигнува 23 голови. Потоа настапува за Вардар, ЦСКА Софија и повторно Вардар пред во летото 1995 година премине во Арау.
Во швајцарскиот прволигаш на 73 натпревари постигнал 30 погодоци со што го привлекува интересот на Нирнберг. Во првата сезона на 45 натпревари постигнува 22 погодоци, а веќе следната сезона настапува за Тенис Борусија Берлин.
Во 2000 година преминува во Ајнтрахт Франкфурт каде се задржува две сезони пред повторно да се врати во Нирнберг каде на 47 лигашни натпревари постигнал 21 погодок. Кариерата ја завршил во екипата Кикерс Офенбах каде на 32 натпревари постигнал 12 погодоци.
Во негова чест фудбалскиот клуб Нирнберг објави видео со головите на Саша за нивниот клуб со кое му го честита роденденот. Еден од головите е и оној против Баерн Минхен и Оливер Кан.
