Министерот за внатрешни работи во техничката влада Тошковски ги објави бројките во однос на фотографирањето за лични документи минатиот месец. За лични документи само на територијата на Скопје минатиот месец биле фотографирани 86.858 лица што е пораст од 75% во однос на претходниот месец.
Во однос на фотографирањето за пасош на целата територија на Македонија биле фотографирани 74.200 лица што претставува пораст од 28% во однос на јануари кога биле фотографирани 57.723 лица.
„Со чесен пристап, искрена намера и макотрпна работа, за помалку од еден месец успеавме значително да ги подобриме услугите во делот на издавањето на лични документи, па така бројот на издадени пасоши на ниво на целата држава го зголемивме за 28%, а бројот на фотографирани лица на територија на Скопје каде хаосот беше најинтензивен, го зголемивме за 75%.
Во оваа прилика сакам да упатам апел до оние структури кои во изминатиот период постојано се обидуваа да ја релативизираат нашата работа, да престанат да шират лаги и манипулации и доколку не можат и не сакаат да помогнат во овој процес, најмалку што можат да направат е да не одмагаат.“ стои во соопштението на МВР.
.jpg)
