Вчера во Занаетчиски дом се одржа културната манифестација „Културен импулс: Живот и вредности“, организирано од страна на Здружението “Национален ромски центар” – Куманово. Настанот е поддржан од Општина Куманово, преку Јавен повик за прибирање на предлог проекти за организирање на културни манифестации во Општината, предвидена во Програмата за културни манифестации за 2026 година. Активностите на проектот започнуваат овој месец, во рамките на кој главната улога ја имаат учениците од општински основни и средни училишта и родителите.
Единствениот пример за признавање на Ромите како народ во денешно време се наоѓа токму во Македонија. Во нашата мултиетничка средина живеат околу 6.500 Роми, кои се залагаат за општ напредок. Во своето обраќање градоначалникот на Општина Куманово Димитриевски истакна дека културата, традицијата и јазикот на ромската популација се движечка сила за нивно вклучување во општеството и институциите на системот, придонесувајќи за одржување на сопствениот идентитет. На настанот се обратија претседатели и активисти на културно – уметнички друштва, здруженија, истакнати културни работници и академски граѓани од ромската етничка заедница.
Говорниците потенцираа дека ромската заедница придонесува за развој на културниот и општествен дијалог во мултиетничко Куманово, нагласувајќи го историскиот процес и актуелните текови во развој на ромската интеграција.
