Во рамки на културно-гастрономската манифестација „Вечери на Балканите“, која се одржа во Благоевград, Република Бугарија, беше претставена Република Македонија преку богата културно-уметничка програма.
Настанот имаше за цел унапредување на културниот дијалог и регионалната соработка преку презентација на музиката, фолклорот и традиционалното културно наследство.
На манифестацијата покрај заменик амбасадорката на Република Македонија како и делегации, присуствуваа директорот на Центарот за култура – Златко Начовски, како и делегацијата предводена од градоначалникот на Општина Делчево – Иван Гоцевски, кои со своето присуство ја поддржаа културната промоција на државата.
Во културната програма настапија Сузана Спасовска, Благоја Груевски, ВИС „Аманет“ – Скопје, како и колекцијата на македонски народни носии на Дамјан Ристовски, додека Фолклорната група „Вапцаров“ се претстави со изворни ора и песни, презентирајќи ја автентичната македонска фолклорна традиција.
Со ова учество беше даден значаен придонес во достојното претставување и афирмација на македонската култура и културно наследство во регионот.
▶ Случајно видео
Пробај ја и оваа алатка:
