23 септември 2024 година, Мисисага, Канада – Во организација на пензионерското друштво “Ривер сајд“ при Македонската поравославна црковна општина “Свети Илија” од Мисисага и годинава се одржа традиционалниот Зелник фест.
Пензионерското друштво изрази благодарност до сите кои помогнаа за оваа традиционална манифестација да биде успешна и да се одржи и годинава. Посебна благодарност упати до Соња и Оливер Бенд за нивниот доброволен настап и нивната целосна поддршка за реализација на овој мошне пригоден настан.
Учесниците на Зелник фест беа бројни, присутните се засладија со домашници зелници и македонска кујна.
Традицијата продолжува, обичаите не се забораваат.
