15 септември 2024 година, Берлин, СР Германија – Во организација на Европската епархија на Македонската православна црква – Охридска архиепископија и Јустинијана прва, денес во Берлин се освети камен-темелник на Македонската православна црква “Свети Климент Охридски” на адреса: Osdorfer Straße 16, 12207 Berlin.
После 30 години од формирањето на Македонската православна црковна општина “Свети Климент Охридски” во Берлин, Македонците во Берлин конечно треба да добијат свој храм.
Во чест на осветувањето на камен-темелникот се отслужи света Архиерејска литургија на која ќе чиноначалствуваше Неговото Блаженство г.г. Стефан Архиепископ Охридски и Македонски и на Јустинијана Прва, во сослужение со надлежниот архиереј Неговото Високопреосвештенство г. Пимен Митрополит Европски и Неговото Високопреосвештенство г. Јосиф Митрополит тетовско-гостиварски, со повеќе свештенослужители од Македонија и Европа.
Голем број Македонци од Германија беа на светата архиерејска литургија и учествуваа на осветувањето на камен-темелникот.
Програмата продолжои со прослава со Ангел Стојкоски и групата “Доминанта” и настап на фолклорниот ансамбл “Македонско Сонце” од Дизелдорф.
Светскиот Македонски Конгрес упатува искрени честитки за осветувањето на камен темелникот на македонската православна црква “Свети Климент Охридски” во Берлин и упатува апел за донирање за нејзина успешна и брза изградба. Амин.
▶ Случајно видео
Пробај ја и оваа алатка:
