Манчестер Јунајтед покажува голем интерес за услугите на младата ѕвезда на Реал Мадрид, Едуардо Камавинга. Тренерот Рубен Аморим е во потрага по нови засилувања во средниот ред, а првичната цел беше Карлос Балеба од Брајтон. Сепак, клубот од Манчестер не е подготвен да издвои 120 милиони евра за него.
Според извештаите на „Фихајес“, Јунајтед сега се фокусира на Камавинга, за кого се очекува Реал Мадрид да побара околу 80 милиони евра. Оваа сума изгледа поприфатлива за клубот, кој се надева на успешен трансфер.
Исто така, шпанските медиуми споменуваат и трета опција – Лисиен Агуме од Севилја. Според клаузулата во неговиот договор, тој може да биде продаден за 35 милиони евра. Сепак, Агуме е сметан за резервна опција, доколку Манчестер Јунајтед не успее да го ангажира Камавинга.
