Мадрид, 7 август 2024 (МИА) – Новата ѕвезда на Реал Мадрид, Килијан Мбапе денеска го имаше првиот тренинг со својот нов клуб.
„Ден 1. Хала Мадрид!“, напиша францускиот напаѓач на платформата Икс илустрирајќи ја објавата со фотографија од својот прв ден од тренингот, посветен на вежбите во салата.
По традиционалните претсезонски лекарски прегледи, играчите одработија вежби во салата на тренинг центарот Сиудад Реал.
Реал Мадрид објави неколку фотографии на кои Мбапе тренира со тегови и се истегнува со новите соиграчи.
Мбапе (25) беше претставен на 16 јули на стадионот „Сантијаго Бернабеу“ пред 80.000 навивачи на Реал, откако потпиша петгодишен договор со Кралскиот клуб.
Од Емил Гашевски Извор МИА
▶ Случајно видео
Пробај ја и оваа алатка:
