Во последните десет дена институциите склучиле повеќе значајни договори во рамки на јавните набавки, чија вкупна вредност достигнува стотици милиони денари. Меѓу најголемите договори се издвојуваат набавките на возила, горива и инфраструктурни зафати.
МВР со највисоки договори
Министерството за внатрешни работи потпиша договор со компанијата Еуроимпекс за набавка на возила во износ од 239 милиони денари (околу 3,9 милиони евра). Истото министерство склучи и два договори со Лукоил Македонија за снабдување со еуродизел и еуросупер, секој со вредност од 141,6 милиони денари (по околу 2,3 милиони евра). Дополнително, МВР обезбеди и гориво со ваучери и боци плин во износ од 47,7 милиони денари (околу 776 илјади евра).
ЕВН Македонија инвестира во броила
Компанијата ЕВН Македонија потпиша договор со „ZPA Smart Energy“ за набавка на еднофазни броила во износ од 195 милиони денари (околу 3,17 милиони евра).
Јавно претпријатие за државни патишта
ЈП за државни патишта склучи рамковна спогодба за санација на горниот строј на мостови на државните патишта во висина од 141,6 милиони денари (околу 2,3 милиони евра).
Општински договори
- Општина Штип набави екстра лесно масло за домаќинство за училиштата и градинките, во вредност од 126,3 милиони денари (околу 2,05 милиони евра).
- Општина Желино склучи договор за реконструкција на дел од локален пат кон селото Мерово со компанијата „Амазон-Проект“ во висина од 47,9 милиони денари (околу 780 илјади евра).
Владата и другите институции
Генералниот секретаријат на Владата склучи договор со компанијата „См Арт Виз Арт“ за изнајмување и ракување со опрема за симултан превод и аудио-видео поддршка, вреден 59 милиони денари (околу 959 илјади евра).
Министерството за социјална политика, демографија и млади потпиша договор со ЕСМ Продажба за набавка на електрична енергија во вредност од 47,2 милиони денари (околу 767 илјади евра) за потребите на институцијата и корисниците финансирани преку буџетот.
