АМСМ објави најново инфо за состојбата на патиштата ширум земјата. Според последното известување, укината е забраната за тешки товарни возила на патниот правец Деве Баир – Крива Паланка.
Сеуште активни забрани за ТТВ има на патните правци:
- Гостивар-Маврово-Дебар
- Гостивар-Стража-Кичево
- Пресека
- Плетвар
- Ѓавато
- М.Брод – Прилеп преку планинскиот превој Барбарос
- Делчево – г.п. Делчево
- Тетово – Попова Шапка (за останатите видови на возила задолжителна е употреба на зимска опрема)
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
