Министерот за надворешни работи и надворешна трговија, Тимчо Муцунски, во текот на денешниот и утрешниот ден ќе биде во Брисел, Кралството Белгија, каде што ќе оствари важни средби за европските интеграции на Северна Македонија. Во рамките на оваа работна посета, Муцунски денеска имаше средба со Герт Јан Копман, генералниот директор на Директоратот за проширување и источно соседство при Европската комисија.
На оваа средба, двајцата соговорници размениле мислења и информации за тековните процеси и напредокот во спроведувањето на реформите во нашата земја. Муцунски истакна дека Северна Македонија останува целосно посветена на европските интеграции и дека продолжува да работи на исполнување на критериумите за членство во Европската унија.
Посетата на Брисел е дел од напорите на Владата да ја зајакне соработката со европските институции и да ги унапреди односите со земјите членки. Министерот Муцунски ќе продолжи со активностите во Брисел, со цел да ги промовира интересите на Северна Македонија и да обезбеди поддршка за нашите европски аспирации.
