На претстојните локални избори, закажани од претседателот на Собранието Талат Гаши за 19 октомври, со втор круг за избор на градоначалници на 2 ноември, ќе има право на учество и за независни кандидати.
Ова го потврди претседателот на Државната изборна комисија (ДИК), Борис Кондарко, повикувајќи се на член 60 од Изборниот законик, кој гарантира уставно право на секој граѓанин да учествува на избори – да бира и да биде биран. Според него, ова право важи подеднакво за политички партии, коалиции и групи избирачи, односно независни кандидати.
На седница на ДИК, веднаш по распишувањето на изборите, беше укинат Правилникот за постапката за собирање потписи, во согласност со одлуката на Уставниот суд. Судот претходно ги поништи членовите 61 и 62 од Изборниот законик, со кои беа зголемени квотите за потребните потписи на независните кандидати за градоначалници и советници.
Кондарко истакна дека ова не е одлука на ДИК, туку директна примена на законската регулатива во согласност со одлуката на Уставниот суд, со што се поедноставува процесот за поднесување кандидатури од независни учесници.
