11 Октомври – Денот на народното востание. Осумдесет и четири години од славното востание на македонскиот народ против фашистичкиот окупатор. Овој историски датум е синоним за непокорот, храброста и жртвата на македонскиот народ за слободна, самостојна и независна држава Македонија.
Македонскиот народ е горд на својата историја, сплотен и обединет низ годините наназад во континуитет ја води битката на нашите претци, да го зачува од заборав ова парче земја. Останува стремежот да го продолжиме патот и да не потклекнеме со духот и вербата за подобро утре
По повод овој голем национален празник, делегации на Општина Велес, институции, политички партии, здруженија на граѓани положија цвеќе пред споменикот на загинатите борци од НОБ во Спомен Костурницата.
Извор:veles.gov.mk
