Јавното претпријатие за комунални дејности на Општина Аеродром распиша јавен оглас за ангажирање пензионирани лица во текот на 2025 година, со цел одржување на хигиената и јавните површини во општината.
Преку оваа иницијатива, пензионерите имаат можност активно да се вклучат во јавни работи и да дадат придонес за поурбано и поуредено опкружување. Работните активности опфаќаат чистење и собирање отпадоци, косење тревници, расчистување суви гранки, одржување зеленило, како и чистење пешачки патеки, тротоари и мостови низ територијата на Општина Аеродром.
Пријавувањето се врши со пополнување на пријава која може да се подигне директно во Архивата на претпријатието или да се преземе од веб-страницата на Општина Аеродром: www.aerodrom.gov.mk (во делот „Граѓани – Формулари“), како и преку следниот линк: http://skr.rs/z0JN.
Ова е одлична можност за пензионираните граѓани да останат активни и да придонесат за подобрување на квалитетот на животот во својата општина.
