Рим, 24 јyли 2024 (МИА) – Италијанскиот производител на луксузни автомобили „Ферари“ денеска соопшти дека продавачите во Европа ќе почнат да прифаќаат криптовалути, по сличен таков потег во САД.
„Новиот платен систем ќе вклучува проверка на изворот на средствата и итна конверзија на плаќањата во обична валута, а ќе биде воведен од крајот на јули. Новитетот на европскиот пазар следи по успешното лансирање на овој алтернативен систем за плаќање во САД пред помалку од една година, за да ги поддржи продавачите во подобро справување со еволутивните потреби на своите клиенти“, се вели во соопштението на компанијата.
Според тоа, до крајот на 2024 година, „Ферари“ има намера да ги прошири трансакциите со криптовалути во земјите од својата меѓународна продажна мрежа, каде што криптовалутите се законски прифатени.
Од Слободан Иванов Извор МИА
