Во раните утрински часови, околу 03:20, СВР Скопје доби известување за пожар на ул. Владимир Комаров. Според информациите од Министерството за внатрешни работи, огнот зафатил влезната врата на стан во зграда, во сопственост на 57-годишниот З.Т. од Скопје. Пожарот за среќа не предизвикал повреди, а единствено опожарената влезна врата.
На местото на настанот веднаш реагирале полициски службеници од Полициска станица Аеродром, кои започнале со истрага за утврдување на причините за пожарот. Според претходните информации, станот припаѓа на поранешен висок полициски функционер и оперативец, што дополнително ја зголемува сериозноста на инцидентот.
Службите продолжуваат со работа на расчистување на случајот, а јавноста ќе биде информирана за сите нови детали во врска со овој настан.
