Белград, 22 февруари 2025 (МИА) – Рускиот „Гаспромњефт“ го намали својот сопственички удел во Нафтената индустрија на Србија (НИС) од 50 на 44,84 проценти, додека „Гаспром“ го зголеми својот удел од 6,15 на 11,30 проценти, покажуваат податоците објавени на Белградската берза.
„Гаспромњефт“ е ќерка-фирма на рускиот енергетски гигант „Гаспром“, а трансакцијата се случува во пресрет на стапувањето во сила на американските санкции кон НИС, кои ќе почнат да важат утре од 06:00 часот по средноевропско време, пренесува српска Политика.
Според официјалните податоци објавени на веб-страницата на НИС, досега „Гаспромњефт“ поседуваше 50 проценти од акциите, „Гаспром“ 6,15 проценти, Владата на Србија 29,8 проценти, додека останатите 13,98 проценти беа во сопственост на малцински акционери.
Од Сања Костовска Извор МИА
