Лос Анџелес, 25 март 2024 (МИА) – Што треба да се јаде пред спиење без страв од нови килограми? Врз основа на истражувањата, во случај на глад ноќе – после вечерата, а за да се пристојна телесна маса, најдобро е да се јадат закуски богати со хранливи материи – нутритиенти и со само еден макронутриент.
Тоа ќе Ве одржи сит преку цела ноќ и ќе го одржува шеќерот во крвта стабилен, велат познавачите. Храната што може да се јаде вклучува, меѓу другото, и овесна каша. Ова е една од најдобрите намирници за пред спиење, бидејќи е богата со влакна и е добар извор на магнезиум што го подобрува спиењето. Сепак, препораката гласи: Прескокнете го засладувањето со шеќер.
Се препорачува и протеински микс со малку маснотии, без шеќер… Според познавачите, протеините се важен за губењето тежина. А пак, кога се комбинира со анаеробни вежби, протеин добиен од млеко може да помогне и во градењето и обновувањето на мускулите. Во таа смисла, 300 грама свежо сирење содржи околу 12 грама протеини. Тој протеин може да ја продолжи ситоста до утринските часови, додека триптофанот што го содржи може да помогне за подобар сон.
Кивито е една од најдобрите овошја за навечер, и тоа поради повеќе причини. Испитувањата посочуваат дека едно киви може позитивно да влијае на заспивањето, времетраењето и делотворноста на сонот кај возрасните лица. Како второ, кивито е и нискокалорично и полно хранливи материи, како што се: влакна, фолна киселина, калиум и витамини Ц, Е и К.
Натаму, бадемите може да ја задоволат желбата за грицкање доцна во ноќта, а истовремено обезбедуваат драгоцени протеини и се богати со магнезиум – минерал за којшто е докажано дека ја ублажува несоницата. Бадемите се богати и со мелатонин, хормон што го регулира циклусот спиење – будење.
Совети за крај: Чувајте го вкупниот број калории на околу 150, ноќната закуска претежно треба да се состои од еден макронутритиент – по можност протеин, вклучете ја доцната ноќна закуска во вкупниот предвиден дневен број калории.
Од Слободан Иванов Извор МИА
