Додека неможноста да се добијат телефонските оператори за закажување на термини за лични документи, Министерството за внатрешни работи во октомври минатата година склучил рамковен договор за оператор на повикувачки центар.
Како што покажуваат податоците на Јавни набавки, рамковниот договор помеѓу МВР и Симболико ДООЕЛ Скопје бил склучен на 13 октомври 2023 година, а вкупната рамковна вредност изнесува 118 милиони денари односно 1.918.699 евра.
Во членот 1 од рамковната спогодба за јавна набавка стои дека предметот на спогодбата е „Услуга од оператор на повикувачки центар за период од 3 (три) години, од страна на Носителот на услугите за потребите на Договорниот орган, согласно поднесената техничка и финансиска понуда и техничката спецификација по спроведена отворена постаппка за доделување на рамковна спогодба за јавна набавка“.
МВР и претходните години склучувал договори за оваа услуга. Така во 2017 и 2019 година биле склучени два идентични спогодби во вредност од 460.488 евра, а во 2021 и 2022 година рамковната вредност изнесувала 479.675 односно 575.610 евра.
