„Левица ќе стане втора партија во Македонија,“ порача претседателот на партијата Димитар Апасиев на средба со граѓаните во општина Илинден, во рамки на изборната кампања.
Тој истакна дека за првпат партијата има реални шанси во дел од општините да се позиционира веднаш зад ВМРО-ДПМНЕ, што според него е доказ за растечката поддршка и „факторизација на Левица“ во македонската политичка сцена.
Кандидатот за градоначалник од Левица во Илинден пред локалното население ги презентираше приоритетните проекти – изградба на нова патна инфраструктура, спортски терени и чистење на одводните канали.
Партијата на овие избори настапува со листи за советници во 54 општини и кандидати за градоначалници во 20 општини низ државата.
