Трагедија ја потресе американската сојузна држава Илиноис, откако 14-годишната Кајли Тоберман од Вандалија беше пронајдена мртва во возило поставено зад нејзиниот дом. Девојчето беше пријавено како исчезнато само неколку часа претходно, а веста за нејзината смрт ја шокираше локалната заедница.
Кајли последен пат била видена во четврток навечер, а нејзината мајка Меган Зелер – која не ја имала старателската грижа – ја пријавила за исчезната следното утро. При потрагата, полицијата го пребарувала имотот и го пронашла телото во кампер кој се наоѓал веднаш зад куќата каде девојчето живеело со посвоителката и две помлади сестри.
Во камперот живеел очувот на Кајли, 34-годишниот Арнолд Б. Ривера, кој веднаш по откритието се дал во бегство. Тој бил уапсен по неколку часовна потрага, а против него се подигнати обвиненија за убиство од прв степен, тешко сексуално злоставување и сокривање на убиство. Локалните медиуми јавуваат дека Ривера претходно се соочувал со обвиненија за сексуално злоставување на малолетници, за кои тогаш склучил спогодба.
Причината за смртта на Кајли засега не е утврдена, а истрагата продолжува. Нејзината мајка се огласи на социјалните мрежи со потресна порака: „Мислев дека можам да верувам во некого, а сега моето дете е ангел. Нема да престанам додека не добие правда.“
Ривера останува во притвор и се очекува да се појави пред суд во текот на неделата. Трагедијата отвори бројни прашања за заштитата на децата и пропустите во системот.
