Министерство за внатрешни работи информира дека во текот на ноќта бил пријавен инцидент во кој членови на семејство упатувале закани кон медицинска екипа што интервенирала по повик за итна здравствена помош.
Случајот се случил околу 02:45 часот, кога во СВР Скопје од страна на Итна медицинска помош било пријавено дека нивна екипа интервенирала во куќа на подрачјето на Бит Пазар, по претходно барање за укажување лекарска помош на женско лице.
По пристигнувањето на терен, лекар, медицинска сестра и возач констатирале смрт кај 40-годишна жена. Во моментите по интервенцијата, сопругот на починатата и нејзиниот брат, двајцата од Скопје, започнале вербално да им се закануваат на здравствените работници.
Од полицијата велат дека се преземаат мерки за целосно расчистување на настанот, а по документирање на случајот ќе бидат поднесени соодветни пријави.
Институциите потсетуваат дека нападите и заканите кон медицински персонал, особено во итни и чувствителни ситуации, претставуваат сериозно кривично дело и се санкционираат согласно законот.
