Министерот за внатрешни работи на Србија, Ивица Дачиќ, соопшти дека синоќешните протести низ Србија завршија со сериозно нарушување на јавниот ред и мир, како и брутален напад врз полицијата. Според првичните информации, шест припадници на полицијата се повредени, а 38 лица се уапсени, јави Телеграф.
„Секој кој го следеше преносот во живо можеше да види дека демонстрантите имале за цел да ги нападнат полицајците и да им нанесат повреди“, изјави Дачиќ.
Тој истакна дека вечерта немало поддржувачи на Српската напредна партија (СНС), но тоа не ги спречило демонстрантите да ги нападнат просториите на партијата ширум Србија. Исто така, биле нападнати и простории на Социјалистичката партија на Србија на неколку локации.
Ситуацијата се уште е напната, а властите најавуваат засилени мерки за одржување на редот и безбедноста.
