30 мај 2025 година, Брисел, Белгија – Светскиот Македонски Конгрес заедно со Светскиот Македонски Конгрес во Европа ја поддржуваат иницијативата на Македонскиот национален совет во Швајцарија за масовен семакедонски протест на 4 јуни 2025 година (среда), со почеток во 11:00 часот пред зградата на Европскиот парламент во Брисел.
СМК и СМК-Европа апелираат на семакедонско единство во одбрана на името на државата Македонија и идентитетот на Македонскиот народ и Македонскиот јазик.
Европскиот парламент на 4 јуни 2025 година треба да усвои извештај за Македонија во којшто треба да се потврди признавањето на македонскиот идентитет и јазик на четири места. Ова ќе биде второто законодавно тело во Европа по германскиот Бундестаг, кој донесе одлука за македонскиот јазик уште на 15 јуни 2023 година. Признанието треба да биде наведено во следниот извештај на Европскиот парламент за Македонија. Признавањето на јазикот и идентитетот било постигнато откако главниот известувач – Австриецот Томас Вајц од Зелената партија – постигнал консензус со другите седум известувачи “во сенка“ кои ги претставуваат политичките семејства на партии во Европскиот Парламент. Зелената партија на известувачот Томас Вајц е коалициски партнер со партијата Европска слободна алијанса – ЕФА. ЕФА ги претставува интересите на малцинствата кои бараат регионална автономија, самоуправа или независност во рамките на Европската Унија. Меѓу членовите на ЕФА се и забранетата партија ОМО “Илинден“ – Пирин во Бугарија и Македонската алијанса за европска интеграција во Албанија – МАЕИ.
Од неговото назначување за известувач, Томас Вајц одржал 36 состаноци со Македонската влада и ниту еден со здруженијата на бугари во Македонија. Над 40 предлози за извештајот биле дадени од бугарските европратеници Андреј Ковачев од ГЕРБ и Ивајло Валчев од партијата ИТН. На денот кога започнаа преговорите, на покана на самиот Вајц, 15 пратеници од Македонското собрание одржаа состаноци во зградата на Европскиот Парламент, а претходно, на 12 мај годинава, истото го стори и министерот за европски прашања Орхан Муртезани. Томас Вајц организираше официјален ручек за македонските пратеници со “известувачите во сенка“, на кој бугарските пратеници не биле поканети. Како резултат на постапките на Томас Вајц и успешните лобистички напори на Скопјe, речиси сите текстови на бугарските европратеници беа отфрлени од известувачите, но беа усвоени шест предлози Европскиот Парламент да го признае македонскиот идентитет и јазик. Резервите на Бугарија во однос на македонскиот јазик, кој официјално беше кодифициран во 1945 година, се целосно отсутни од извештајот.
СМК и СМК-Европа апелираат на масовно присуство со сопствени транспаренти, плакати и македонски знамиња со пораки за поддршка на државата Македонија, македонскиот јазик и македонската култура! Лице за контакт Златко Николоски од Швајцарија ++41789196598.
