Времето денеска ќе биде преовладувачки сончево, со мала до умерена локална облачност. Во попладневните часови, особено во југоисточните региони, се очекуваат услови за појава на изолирана нестабилност, што може да донесе краткотраен пороен дожд и повремени грмежи. Ветерот ќе биде слаб до умерен, главно од западен правец, според информациите од Управата за хидрометеоролошки работи.
Минималната температура во текот на денот ќе се движи во интервалот од 10 до 18 степени, додека максималната ќе достигне од 28 до 35 степени. Во Скопје, времето ќе биде сончево со мала до умерена облачност, а ветерот ќе дува од југозападен правец. Минималната температура во главниот град ќе биде околу 16 степени, а максималната ќе се искачи до 34 степени.
Според прогнозите на УХМР, во четврток се очекува умерен до засилен ветер, а во петок повремено силен јужен ветер. Во сабота, можни се услови за повремен локален дожд и ретки грмежи. Ветерот долж Повардарието ќе биде умерен, а повремено и засилен северен, што ќе продолжи и во недела, со опаѓање на дневните температури.
