Времето денеска ќе биде сончево со мала до умерена локална облачност, а ќе дува слаб до умерен, повремено засилен ветер од северен правец, особено долж Повардарието, информираат од Управата за хидрометеоролошки работи (УХМР).
Минималните температури утрово се движат меѓу 2 и 10 степени, додека дневните ќе достигнат од 14 до 21 Целзиусов степен.
Во Скопје времето ќе биде сончево со слаба до умерена облачност и ветер од северен правец, кој во делови од котлината ќе биде повремено засилен. Утринската температура ќе биде околу 8 степени, а дневната ќе се искачи до 20 Целзиусови степени.
Според прогнозата на УХМР, во следните три дена ќе се задржи стабилно и сончево време, со слаб до умерен северен ветер и мала до умерена облачност низ поголем дел од земјата.
