По повод Светскиот ден на сеќавање на жртвите од сообраќајни незгоди, Општина Делчево организира показна вежба за спасување лице повредено во сообраќајна незгода со едно возило. Вежбата ќе се одржи на паркингот пред Спомен-домот АСНОМ на ден 17.11.2025 година (понеделник) со почеток во 12:00ч.
Целта на покажната вежба е да се види подготвеноста на надлежните институции за постапување при ваков вид незгоди, бидејќи овој тип на сообраќајни незгоди – со едно возило, е најзастапен на подрачјето на Општина Делчево во последните пет години и од тие причини е обработен во оваа показна вежба.
Настанот е организиран од Општина Делчево- Општински совет за безбедност на сообраќајот на патиштата Делчево, a во соработка со Сообраќајната полиција, Инспекторот за превенција при Полициската станица од општа надлежност Делчево, Здравствениот дом „ГоцеДелчев“ Делчево и Црвен крст на Република Северна Македонија – Општинска организација Делчево.
Извор:www.delcevo.gov.mk
