Државната комисија за спречување на корупцијата одржа средба со Томас Метјус и Лаура Костели, од Канцеларијата за техничка помош на Министерството за финансии на САД кои работат на проект во Република Северна Македонија со Управата за јавни приходи и Царинската управа. На средбата учествувааше и Кристина Каранакова, политички аналитичар во амбасадата на САД.
Канцеларијата за техничка помош на Министерството за финансии на САД, спроведува двогодишен проект со УЈП и Царинската управа кој опфаќа повеќе компоненти, од кои една е анти-корупцијата, поради што е иницирана средбата со ДКСК со цел добивање видувања и информации од ДКСК за тековните активности поврзани со состојбите со корупцијата и борбата против истата како и утврдување на активности во рамки на проектот поврзани со надлежностите на УЈП и Царинската управа а кои би биле опфатени со новата Национална стратегија за спречување на корупцијата и судирот на интереси.
Членовите на ДКСК ги информираа гостите за статусот, надлежностите и тековните активности на ДКСК како и со предизвиците со кои се соочува во својата работа. Особено стана збор за изготвувањето и донесувањето на новата Националната стратегија, значењето на нејзина поефективна имплементација, евидентирањето и следењето на имотната состојба како и соработката со другите органи, пред се со Јавното обвинителство и Финансиската полиција.
Обострано беше искажано задоволство од средбата и подготвеноста за натамошна соработка во рамки на проектот.
Извор:dksk.mk
