Македонска Каменица, 17 септември 2024 (МИА) – Општина Македонска Каменица започна постапка за јавна набавка за изградба на главен колектор од село Моштица до Македонска Каменица.
Со постапката како што информираа од Општината е предвидена и изградба на третиот крак од фекална канализација во село Моштица.
-Проектот има проценета вредност од 6.120.000,00 денари, со предвиден рок на изградба од 180 денови.
Наша цел, во согласност со Законот за јавни набавки е да обезбедиме највисок квалитет на услугата и најповолен понудувач со најниска цена, се вели во информацијата од Општината.
Според градоначалникот на М.Каменица, Димчо Атанасовски станува збор за проект со клучно значење за подобрување на условите за живот, заштита на животната средина и зголемување на грижата за општата здравствената состојба на населението.
-Реализацијата на истиот овозможува ефикасно собирање и одведување на отпадните води од овој дел на село Моштица и нивно поврзување со главната фекална канализација во Македонска Каменица. Уверен сум дека со оваа инвестиција ја оправдаме Вашата дадена доверба и правиме уште еден чекор кон поубава и поквалитетна иднина за сите нас и нашите идни генерации.
Понудите можат да се достават најдоцна до 23.09.2024 до 12 часот на Електронскиот систем за јавни набавки.
Од Валери Спасевски, Делчево Извор МИА
